Val av kommunulækna
Læknaval
Ein kommunulækni hevur í grundini kapasitet til umleið 1500 sjúklingar, men vegna eftirspurning hava vit loyvi til 1700 sjúklingar.
Vit eru tó í løtuni munandi hægri, og tí eru vit í løtuni stongd fyri nýggjum sjúklingum, tí okkara sjúklingatøl eru undir stongdarmarkið.
Vit eru í áhaldandi dialogi við Heilsutrygd um okkara sjúklingatøl, og til tíðir (serliga kring summarfrítíðina) kann tað vísa seg, at opið verður til skráseting av nýggjum sjúklingum hjá okkum.
Á Vanganum ber til at síggja, hvønn kommunulækna, tú hevur. Borgarar kunnu velja millum kommunulæknarnar í heilsuøkinum, sum teir búgva í.
Støður kunnu tó vera, har hetta val er avmarkað. T.d. kann tað vera, at nakrir av kommunulæknunum í økinum hava nógvar borgarar skrásettar og tí hava latið aftur fyri nýggjum skrásetingum/flytingum.
Um tú vilt skifta kommunulækna, mæla vit tær til at skriva til Heilsutrygd á heilsutrygd@heilsutrygd.fo ella við at skriva á Vanganum/MínBoks.
Um tað ikki ber til at skriva, kanst tú ringja til Heilsutrygd á 61 40 00.
Flytur tú til ein annan lækna?
Tað kunnu vera nógvar orsøkir til at skifta lækna; kanska flytur tú til eina aðra kommunu ella uttanlands at lesa, ella kanska hevur tú funnið eitt serligt álit á einum øðrum lækna.
Tú ert altíð vælkomin at biðja um, at tína sjúkrajournal verða latin nýggjum lækna, um tú ert flutt.
Um tú skiftir lækna í Føroyum, kann tín nýggi lækni sjálvvirkandi síggja tína journal.
Um tú flytur uttanlands, skalt tú vanliga hava sjúkrafrágreiðingar við í pappírsformi, tí enn er ikki ein altjóða talgildur standardur fyri sjúkrafrágreiðingar.